Egun euritsua izan arren, justu euriak ateri eutsi zion Itzuliak Soraluzeko saihesbidea igo eta jaitsi egiten zuen unean, bertan zain zeuden ikusleen lasaitasunerako
Beste batzuek, berriz, Itzulia ikusteaz bat, egun pasa egin eta Arraten bazkaltzeko plana eginda zutenek, bestelako “aterpeak” inprobisatu behar izan zituzten parrilan prestatu beharreko jaki gozoak euriak alperrik galdu ez zitzan.
Kontuak kontu, argazkiak erakusten duen moduan, umoretsu egin zioten aurre eguraldi kaskarrari.
Jarraitzaile finak
Argazkikoen artean dagoen Mikel Hernandez txirrindulariak kontatutakoaren arabera, goizean Eibarren bertako giroa ikusi ondoren Arratera igo eta bertan bazkaldu zuen lagun-kuadrillak.
“Urtero” joaten dira lagunak Itzulia ikustera Arratera, egun pasa eginez. Arraten bazkaldu eta “gero Izuara oinez, paseotxoa emanez, txirrindulariak ikustera”.
Gainera, emaitzarekin ere gustura izateko moduan da Hernandez; faborito nagusi zuen Gernikako Pello Bilbaok irabazi ez arren, harekin batera Izagirre eta Landa ere bazituen faboritoen artean: “Adinekoak dira, eta ezagunak ere bai; gainera, Izagirrerekin Eibarko ekipoan korritu nuen”, jakinarazi zuen Hernandezek. Hain justu, podiumean bigarren eta hirugarren egin dute Hernandezen bi faborito horiek.