Zapatu arratsaldeetan kiroldegia itxita

Zapatu arratsaldeetan kiroldegia itxita
Kiroldegia kanpotik.

Aste Santuan sartu zen indarrean Arane kiroldegian udako ordutegia, igerilekuari dagokiona. Bestela esanda, azarora bitartean, zapatu arratsaldeetan itxita izango da kiroldegia.

Hori horrela, urriaren 27ra arte (berau barne) zapatuetan 09:00etatik 13:00etara zabalduko dute igerilekua, eta jakina kiroldegia ere. Eta berdin izango da domeketan. Baina hori horrela da urte guztian zehar.

Gainontzekoak berdin

Gainontzeko egunei dagokienez, berriz, igerilekua 08:30ean zabaldu eta 20:30ean ixten dute; astelehenetan eta eguaztenetan izan ezik. Bi egun horietan 07:00etarako zabaltzen dute. Eta barikuetan, berriz, 12:00etatik 15:00etara itxita izaten da berau.