10:00ak bueltan ailegatu ziren Gipuzkoako bihotz inguruan kokatuta dagoen Beizama udalerrira; handiak abiatu ziren mendia egitera, 821 metrokoa, eta 14:00ak aldera mendiaren puntan zeudela adierazten zuen gurutzera ailegatu ziren.
Bidea lokaztuta
Eguraldi kaskarra izan zuten bidean, “hala ere, espero baino hobea, iragarrita zegoena kontuan hartuta”, adierazi du Oiher Arantzetak, mendi taldeko kideetako batek. Horren ondorioz, bidea lokaztuta izan zuten, baina ez zen mendi zaila izan eta laster ziren gurutzean.
Txotxongilo ikuskizunera
Handik jaitsi eta Beizaman bazkaldu zuten, kontzejupean, euritatik babestuta. 15:30ean edo bukatu zuten eta Soraluzera bueltatu ziren, bestetan baino goizago, neska-mutikoak joan ahal zitezen Domekak Aterpian ekimenaren txotxongilo ikuskizunera.
Apirilaren 8an dute hurrengo irteera. Orexa-Ulizar ingurura joango dira orduan, Tolosaldera. 868 metro garai den mendia igoko dute.