plaentxia.eus

Soraluzeko ordezkaritza Udaberri Txapelketako finalean

  Kirola

Dagoeneko finalak jokatzen dabiltza Udaberri Txapelketan, oraingo asteburuan dira azkenak. Eta gaur, barikua, final horietako bat jokatuko dute gomazko paletan bigarren mailan Joseba Etxeberriak eta Asier Fernandezek.

Soraluzeko ordezkaritza Udaberri Txapelketako finalean
Joseba Etxeberria pareta aldera, paletan. | Ikusi handiago | Argazki originala

Hain justu ere, Mutrikun jokatuko dute finala Anoetako bikotearen kontra, 21:00etan hasita. Aurkari zailak izango dituzte, aurrez aurre soraluzetarrek. Udaberri Txapelketan zehar lehenago ere aurkari izandakoak dira-eta anoetarrak. Orduko hartan 25-23 irabazi zuten Plazentziakoek partidua, beraz, bi bikoteak pareko samar daude.

Ordubete asko jota

21:00etan hasiko da finala, Mutrikun, esandako moduan. Bi final jokatuko dituzte bertan, hain zuzen ere, baina soraluzetarrena izango da lehen txanda. 25 tantotara dira partiduak. Beraz, 21:30-22:00etarako bukatuta izango da norgehiagoka.

Ia hiru hilabete daramatzate Udaberriko Txapelketa jokatzen. Txapelketa hau urtarrilean hasi zen, eta oraingo asteburuan bukatuko da.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa