plaentxia.eus

Segundoengatik, hirugarren

  Kirola

Asturiasen ere podiuma egitea lortu du Ander de Luis korrikalariak. Bigarrenak 34 segundoko aldea aterata, hirugarren helmugaratu zen soraluzetarra 27 Kangas Mountain Speed Trail izeneko lasterketan, 12 kilometrokoan.

Segundoengatik, hirugarren
Ander de Luis beste bi irabazleekin, helmugan. Argazkia: Marco Rascon. | Ikusi handiago | Argazki originala

“Oso polita izan zen lasterketa. Picos de Europa ingurutik izan zen eta maila altua egon zen; oso lasterketa borrokatua. Lehen laurak egon ginen lasterketa irabazteko puntuan. Batean bata aurreratzen zen, bestean bestea…”, kontatu du Ander de Luis korrikalariak.

Hurrengo, Beasainen

Izan ere, De Luis hirugarren helmugaratu zen, 1:02:51-ko denbora eginda; bigarrenak berari 34 segundoko tartea besterik ez aterata. Eta lehenengoak, berriz, minutu eta bederatzi segundo besterik ez zizkion atera Soraluzeko korrikalariari.

Ander de Luisek atseden hartuko du oraingo asteburuan, eta hurrengo astean Beasainen egingo du korrika, 11 kilometroko lasterketan. Beste soraluzetar bat ere lehiatuko da bertan: Ximun Larrañaga.  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa