13 kilometroko ibilbidea izan zuen aurrez aurre soraluzetarrak domekan. Eta 1:11:28 izan zen ibilbidea egiteko baliatu zuen denbora, lehenengo helmugaratu zenarekiko hiru minutuko aldearekin.
Ander de Luisek esandakoaren arabera, “gogorra izan zen, lokatzarengatik. Baina antolakuntza aldetik oso ondo egon zen eta oso lasterketa polita izan zen”.
Asturiasera
Oraingo domekan lehiatuko da atzera ere korrikalari soraluzetarra. Zarautzen, oraingoan, lehen edizioa izango duen 7,5 kilometroko lasterketan jardungo du. “Motza egin nahi dut, ze hurrengo astean Cangas de Onisera noa korrika egitera”, esan du.
Hain zuzen ere, Asturiasen 12 kilometroko lasterketan parte hartuko du; Kangas Mountain du probak izena eta martxoaren 3an egingo dute.