plaentxia.eus

Frontenis Txapelketa Mistoa antolatu dute Soraluzen

  Kirola

Frontenisa, kirola, oro har, eta besteak bete, emakumeen eta gizonezkoen arteko parekidetasuna bultzatu nahian, Frontenis Txapelketa Mistoa antolatu dute Soraluzen. Martxoaren 24an jokatuko dute, eta parte hartzeko izen-ematea zabalik dago, martxoaren 15era arte.

Frontenis Txapelketa Mistoa antolatu dute Soraluzen
Ainara Muga, David Borinaga eta Amaia Ariznabarreta, txapelketaren kartelarekin, gaur zapatua. | Ikusi handiago | Argazki originala

Kirola, eta kasu honetan, frontenisa gustuko duen edozeinendako daude ateak zabalik Soraluzeko Frontenis Txapelketan; baldintza bakarra da 16 urtetik gorakoa izatea, eta jakina, bikote mistoak osatzea.

Martxoaren 24an jokatuko dute txapelketa, Soraluzeko kiroldegiko frontoian, 22 tantotara. Hori bai, gehienez 20 minutuko partiduak izango dira, goizean hasi eta bukatu arte. Artengo horia da baliatuko duten pilota mota.

Asko jota, 24 bikote

Izena martxoaren 15a aurretik eman beharra dago; hiru modutara eman daiteke: Arane kiroldegian; 943 75 24 66 telefono zenbakira deituta edo kirola@soraluze.eus helbidera idatzita.

Bikoteko 10 euro ordaindu behar da izen-ematea. Eta asko jota 24 bikote lehiatu ahalko da Soraluzeko Frontenis Txapelketa mistoan.

Sariak

Sariak ere izango dira, lehen bi bikoteendako:

  • 1-      Txapela, garaikurra eta oparia.
  • 2-      Garaikurra eta oparia.

Soraluzeko Frontenis Txapelketa beste ekimen handiago baten baitan dago sartuta: Soraluze, mugituz.

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa