plaentxia.eus

“Lanak hasita daude nahiz eta ez izan begi-bistakoa”

  Udala

“Ur kontsorzioak hodi berria sartu behar du, eta ibili dira laginak egiten, gaur egun hodiak nondik nora doazen jakiteko”. Halaxe erantzun dio Iker Aldazabalek EH Bilduren kritikari, Gabolatseko obrak direla-eta. “Lagin guztiak egin dira”, zehaztu du alkateak.

“Lanak hasita daude nahiz eta ez izan begi-bistakoa”
Ezozibidea, ibilgailu barik. | Ikusi handiago | Argazki originala

Aldazabalek esplikatutako moduan, “espaloi gainean eginda daude markak, kanalizazioak zehaztuta, lurra pikatu baino lehenagoko egin beharreko aurre-lanak dira”.

Ur-hargunea aldatzeko

Bestalde, eta ur kanalizazioa dela-eta, alkateak jakinarazi du, Gipuzkoako Urak ur kontsorzioak atari bakoitzean oharra ipini duela esanez, hoditeria nagusia aldatzen denez, aukera dagoela orain, horrela nahi duenak, etxe bakoitzeko ur-harguneak zaharberritzeko.

“Baldin eta komunitateak ez baldin badu obra integrala egin, hodi zaharrak izaten dira. Kalebarren egin zenean gauza bera egin zen. Behartuta ez daude, baina orain izaten da momenturik egokiena, dena apurtu egin behar denez, aprobetxatu eta hori ere egin. Gero aldatzea tokatzen bada, lurra jaso, pikatu… egin behar da-eta, horrek duen kostuarekin… Edozein modutan, komunitatearen esku geratzen da erabakia”, adierazi du Aldazabalek. 

Erantzunak

Erabiltzailearen aurpegia Erantzuna | #1

Txiste errez batzuk egin leikez gaiarekin baina serixo jartzeko modukoa da kontua. Ebidentea da Ur Kontsorzioa ibili dela aurrelan batzuk egiten, obretako kasetak ere bertan daude... baina kontua da egun dexente pasa direla inongo eboluzio gabe.

Ondorengo bi galdera nahiko logiko hauen erantzuna beharko genuke herritarrok gutxienez:

1.- Noiz arte iraungo dute begi-bistakoak ez diren lanek? Edo beste modu batera galdetuta... noiz hasiko dira makinak lanean in situ?

2.- Obrak geldi egon diren bitartean (eta oraindik badirudi egongo direla) zergatik ez da kotxeentzat pasoa habilitatu eta bide batez herri erdiko peatonalizazioa mantendu ahalik eta egun gehinetan? Aparkalekuak ere zergatik ez daude erabilgarri?

Gabolatseko aldapak eragin handia dauka gure herriko mugikortasunean. Ondorioz obren eragina ahalik eta txikiena izateko esfortzuak gaur egunean ikusten direnak baino begi-bistakoagoak izan beharko lirateke.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa