Hondakinen bilketa puntu guztietan ez, baina askotan egon dira gaur arte edukiontzi berdeak, errefusa batzeko grisekin eta gainontzeko guztiekin batera. Gaurtik baina, bai ala bai, sailkatuta eraman beharko dira hondakinak edukiontzietara, orain arte dena nahasita botatzeko baliatzen zen berdea desagertzea eraman egingo dute-eta.
Gaur gauean hasiko dira erretiratzen edukiontzi berdeak
Gaueko hondakin bilketa aprobetxatuz, gaur, martitzena hasiko da Debabarrena Eskualdeko Mankomunitatea edukiontzi berdeak eramaten Soraluzetik. Urtarrilaren hasieran, errefusa batzeko edukiontzi grisak ipini arren, berdeak ere bertan laga zituzten, trantsizio modura, herritarrei ohitura aldaketak errazteko asmoarekin.
