Gogoan izan beharra dago, urtarrilaren 1ean aldatu egin zituztela Lurraldebuseko autobusen ordutegiak. Eta horren ondorioz, 06:30ean beharrean, 06:45ean zuen ordua Soraluzen goizeko lehen autobusak.
Horrek eragotzi egiten zuen 07:00etarako Eibarren egon ahal izatea. Eta soraluzetar batek kexua helarazi zuen Diputaziora, lantokira garaiz ezin zelako ailegatu.
07:00etarako lantokian
Bada, haiek soraluzetarraren gaizki-egona onartu eta aldatu egin dute lehen orduan pasatzen den autobus horren ordutegia, lehengora bueltatuz; arrazoia da goizean pasatzen den lehen autobusa izanda, ez dagoela bestelako alternatibarik 07:00etarako Eibarren egoteko.
Autobusen gainontzeko ordutegiak, berriz, berdin geratuko dira, hau da, urtarrilaren 1ean ezarritako ordutegiarekin funtzionatzen segituko dute.
