“07:00etan sartzen naiz lanean, Eibarren. Lehen 06:30ean zegoen autobusa (goizeko lehena), baina kendu eta orain 06:45ean ipini dute. Ordurako etorrita ere, ez nintzateke lanerako garaiz iritsiko”, kontatu du autobusaren erabiltzaile batek.
Beste batzuk, berriz, eskolara garaiz iristeko zailtasunak dituzte orain. Izan ere, 08:00etan eskolara ailegatzeko, 07:15eko autobusa hartu beharra izaten dute edo bestela, 07:45ekoa hartu eta ordua baino beranduago iritsi.
Zentzu horretan, Gipuzkoako Diputazioan kexua aurkeztu duenik ere bada.