Hain justu, produktu ekologikoekin osatutako otarra zozketatuko dute dirua batzeko gaur ipiniko duten mahaia baliatuta. Gaztañerre azokan, berriz, Gaztetxeko barra kudeatu zuten eta kontzertuak antolatu, horiek ere dirua batzeko.
Desordena publikoa
2015. urtera jo beharra dago datorren astean hasiko den makro-epaiketa horren jatorriaren berri izateko. Hainbat gaztek, tartean soraluzetar batek, beste gazte batzuen kontra egiten ziharduten makro-epaiketa baliatu zuten, “euskal gaztediaren kontrako errepresio sistematikoa salatzeko”.
Oraingo epaiketan inputatuta dagoen gazte batek kontatutakoaren arabera, Murillo epaileak, hori ikusita, egiten zebilen epaiketa eten egin zuen. Eta aretoan zeuden gazteen lagunak eta senideak aretotik bota. Hala egin zuten haiek. Baina Murillo epaileak guztiak inputatu zituen, desordena publikoa egotzita.
5,5 hilabeteko kartzela zigorra
Eta orain akusazio horri eta berorrek dakarren 5,5 hilabeteko espetxe zigor eskaerari gehi Madrilera joan beharrak eta epaiketa berak dakartzan gastu guztiei aurre egin beharko diete gazteek.