Bien bitartean, abenduaren 21era arteko epean edukiontziak zabaltzeko txartelak hartu barik geratu ziren herritar batzuk badabiltza egunotan udaletxetik pasatzen, berau eskuratzeko. “Atzo bertan herritar batzuk etorri ziren; eta orain ikusten dutenean edukiontziak aldatuta, seguru aski gehiago pasatuko dira”, kontatu dute Soraluzeko Udaletik.
Bertan dira edukiontzi grisak
Bart gauean hasi ziren ipintzen errefuserako edukiontziak udalerriko hainbat puntutan. Berdea, baina, orain arte hondakin orokorrendakoa zena ez dute eraman kasu guztietan. Debabarreneko mankomunitateak erabaki du udalerriko zenbait puntutan biak batera lagatzea “15 egunez, jendea ohitzeko; gero erretiratu egingo dira”, esplikatu dute.
