Bestela esanda, Plaentxi Eskolako 41 langiletatik bederatzik erabaki dute grebarik ez egitea (zuzendaritzako bi lagun ere bertan dira, derrigorrez), beraz, 30 langilek egin du greba: langileen %73,17ak.
Eta institutuko langileei dagokienez, berriz, 23 langiletatik 17k babestu dute greba oraingoan: langileen %73,91k, beraz.
Oraingo protestarako deialdi hau sindikatu guztiek egin dute: Steeilas, ELA, LAB, CCOO eta UGTk.
Eskaerak
Protestak deitzeko eskaerak esplikatu dituzte sindikatuek; laburbilduz, honako hauek:
- Hezkuntzako inbertsioa handitzea
- Ordezkapenak lehen egunetik egitea
- Bajak zigor-gabetzea
- Ratioak txikitzea, eta lan-taldeak handitzea
- Langileak egonkortzea, eta ondorioz, zentroak ere bai
- Eta erretiroa laguntzeko neurriak berreskuratzea
Gabezien adibideak
Eskaerak berresteko, berriz, hainbat adibide helarazi dituzte, galdera eran:
“Badakizu Lehen Hezkuntzan irakasle bat gaixotzen denean ordezkoa 4. egunetik aurrera bidaltzen dutela, eta Bigarren hezkuntzan, Batxilergoan eta Lanbide Heziketan astebete pasatuta?”
Edo, badakizu gela bakoitzean gero eta ikasle gehiago egonik irakasle kopurua ez dela igo maila berean eta, ondorioz, jarraipen pertsonala egitea gero eta zailagoa dela, gainera, eskolako proiektuetarako ordu kredituak (agenda21, elkarbizitza, IKT, liburutegia, e.a.) murriztu eta kasu askotan desagertu direla?”
10 irakasletik 4 behin-behinekoak
Adibide gehiago ere eman dituzte: “Badakizu 10 irakasletik 4 behin-behinekoak direla eta urtero aldaketa handiak daudela lan-taldeetan?”
Edo, “badakizu gure ikasleen ebaluazioa Madrildik eta LOMCEren arabera zehazten dutela? Badakizu egungo hizkuntz ereduen b
