plaentxia.eus

Tonbolarako panpinak ikusgai, Santa Ana kaleko lehengo ferreterian

  Gizartea

Atzo, astelehena, hasi ziren Misio Taldeko kideak aurtengo tonbolarako panpinak ipintzen, Santa Ana kaleko lehengo ferreterian. Bertan ikusgai dira, bada, inguruko boluntarioek egindako jantziekin dotore jantzitako 150 panpin. Abenduaren 14an hasiko da tonbola.

Tonbolarako panpinak ikusgai, Santa Ana kaleko lehengo ferreterian
Misio Taldeko hainbat kide, panpinen erakusleihoa ipintzen, atzo, astelehena. | Ikusi handiago | Argazki originala

Jaioberriendako jantziak, kaikuak, txapelak, lepoko zapiak, jertseak, soinekoak… denetik egin dituzte hilabete luzetan lan eta lan ibili diren boluntarioak tonbolarako panpinak janzteko.

Abenduaren 14ko tonbolara bitartean, panpina guztiak eta bestelako opariak ikusgai izango dira Santa Ana kaleko ferreterian.

Euro baten truke

Gero, abenduaren 14tik aurrera, apurka-apurka desagertzen joango dira bertatik, tonbolan zenbaki saridunak irten ahala. Txartelak euro baten truke eskuratu ahalko dira, egun beretik hasita, agortu arte.  Ordutegia honakoa izango da: lanegunetan, 18:00etatik 20:00etara; zapatuan, 11:00etatik 13:00etara eta domekan, 12:00etatik 14:00etara.  

Mediku kontsultara

Tonbolari esker batutako dirua Dominikar Errepublikara bideratuko dute, hain justu ere, Santo Domingoko Karitatezko Mesedeetako kongregaziora. Eta kongregazioko mojek bertako mediku kontsultarako baliatuko dute, La Lima izeneko zerbitzu medikurako. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa