plaentxia.eus

Bankoa Credit Agricole-DV torneoko final-laurdenak bihar gauean, Soraluzen

  Kirola

Maila oso oneko pilota partiduak izango dira bihar barikua, Soraluzeko kiroldegian, Bankoa-El Diario Vasco pilota txapelketako final laurdenak jokatuko dituzte-eta. 22:00etan da hitzordua. Lehenago, baina, 18:45ean Gipuzkoako Txapelketako hiru partidu jokatuko dituzte, Soraluzeko pilotariak tarteko.

Bankoa Credit Agricole-DV torneoko final-laurdenak bihar gauean, Soraluzen
Labaka jokatzen, Elgetan. Argazkia: Diario Vasco.com | Ikusi handiago | Argazki originala

Hitzordu nagusiari dagokionez, honako bikoteak lehiatuko dira: promesa mailan, 16-18 urte bitartekoen mailan, Arrasateko Muruak eta Antzuolako Alberdik, Gasteizko Uribe eta Altzoko Azpitarte izango dituzte aurrez aurre.

Eta nagusien mailan, berriz, Albizturko Labakak eta Makirriaingo Eskirozek osatutako bikotea Tolosako Egigurenek eta Beasaingo Garmendiak osatutako bikotearen kontra lehiatuko da.

Soraluzetarrak

Gipuzkoako Txapelketari dagokionez, 18:45ean hasi eta hiru partidu izango dira, horiek ere barikuan: infantil mailan Morenok eta Palacinek Arrasateko ordezkarien kontra jokatuko dute.

Alebin mailan, berriz, Aiert Losadak jokatuko du Oñatiko ordezkariaren kontra.

Eta hirugarren mailako senior mailan, Santamariak eta Kortabarriak jokatuko dute Eibarko ordezkarien kontra. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa