plaentxia.eus

Domekara arte, Euskararen Eguneko ospakizunak, Mesedeetako egoitzan

  Euskara

Bihar, eguena, hasi eta domekara bitartean makinatxo bat jarduera izango dituzte Mesedeetako Ama Egoitzako bizilagunek, Euskararen Egunaren baitan. Besteak beste, txapel jaurtiketa, arto aletzea eta lokotx bilketa egingo dute, eta trikitilarien bisita izango dute. Bestalde, abenduaren 5ean, Boluntarioen Nazioarteko Eguna ospatuko dute.

Domekara arte, Euskararen Eguneko ospakizunak, Mesedeetako egoitzan
Mesedeetako egoiliarrak dantzan, GaztaƱerreren bueltan. | Ikusi handiago | Argazki originala

Egueneko ekitaldiari dagokionez, 11:30ean EuskaraX saioa izango dute. Barikuan, berriz, 16:30ean, talo ikastaroa egin eta taloak jango dituzte.

Arto aletzea eta beste

Asteburuan izango dira, baina, ekitaldirik nabarmenenak. Hain justu, zapatuan, 17:00etan, euskal probak egingo dituzte: arto aletzea, lokotx bilketa eta txapel jaurtiketa. Eta domekan, berriz, 11:00etan trikitilarien bisita izango dute eta 17:00etan, EuskaraX proiektuaren azken saioaren ostean, muralak egingo dituzte.

Diploma banaketa

Bestalde, datorren martitzenean, abenduaren 5ean, Boluntarioen Nazioarteko Eguna da. Eta ordurako ere ekitaldiak iragarri dituzte. 17:00etan hasita, erakunde laguntzaileei harrera egingo diete, aurresku eta guzti. 17:30ean, berriz, esker oneko gutuna eta diplomak emango dizkiete; 18:00etarako iragarri dute boluntarioen muralaren aurkezpena eta lunch batekin borobilduko dituzte ospakizunak. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa