plaentxia.eus

Matxismoari, homofobiari, beldurrari, desberdintasunari... aurre egin nahia

  Gizartea

‘Beldurraren aurka gerra’ izenburuarekin 9 lagunek, Korner Morearekin elkarlanean, egindako ikus-entzunezkoak irabazi du Soraluzeko Beldur Barik lehiaketa. Hain justu ere, bi lan aurkeztu dituzte; eta bigarrenak ere, ‘Zergatik’ izenburua duenak eskuratu du saria. 

Matxismoari, homofobiari, beldurrari, desberdintasunari... aurre egin nahia
Beldur Barik lehiaketako irabazleak, Patricia Borinaga zinegotziarekin, sari banaketan. | Ikusi handiago | Argazki originala

12-17 urte bitartekoen mailara aurkeztu zituzten bi lanok. Irabazleak, ‘Beldurraren aurkako gerra’ ikus-entzunezkoak, izenburuak berak adierazten duen moduan, biolentziari, homofobiari, matxismoari, beldurrari, printze urdinei… zela aurre egiten dieten erakusten dute egileek, En gerra kantu indartsuak eta hainbat kirol jarduerek lagunduta.

Egileak, honakoak: June Fernandez, Marina Gil, Miren Alonso, Goizane Plata, Garazi Aizpurua, Ezozi Akizu, Iraultza Ostolaza, Olatz Alberdi eta Miren Josune Astigarraga. Korner Morearekin elkarlanean landu dute ikus-entzunezkoa.

Bozkatzeko aukera

Hain justu ere, orain ikus-entzunezko hori bozkatzeko aukera dago Plaentxia.eus webgunea bera baliatuta (beheko loturan), Soraluzeko Beldur Barik lehiaketan gailenduta, orain lehiaketa orokorrean lehiatuko da-eta. Bihar arte, azaroaren 27ko gauerdira arte dago botoa emateko aukera.  

Bigarren ikus-entzunezkoa, berriz, Markel Oregi gazteak landu du. ‘Zergatik’ izenburuarekin, Oregik galdera berori aireratzen du: ea zergatik emakumezkoek ezin duten gizonezkoen aukera berberak izan, jarduera bera eginda. Kasu honetan ere kirola baliatzen du Oregik emakumezkoen eta gizonezkoen arteko desberdintasuna azaleratzeko. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa