"Eta gitarrarekin daukadan tratua aspaldikoa da: Tapia eta Leturia Band, Zaldibobo garaitik datorrena. Badauka 80ko hamarkadako influentzia bat, zuzenean ni hor harrapatu ninduelako nire gazte denborak", gaineratu du musikariak.
"Apustu doble bat egiten saiatu naiz. Alde batetik bakarkako kantagintzatik barruan gelditu zaizkidan kantu hoberenen hautaketa dago, eta bestetik badago esperimentu estetiko bat. Gitarrista bezala estreinatzen naiz disko honetan" adierazi du, besteak beste, Joseba Tapiak bere estudioko zazpigarren diskoari buruz.
