plaentxia.eus

Bihar, zapatua, arratsaldez ere kiroldegia zabalik

  Kirola

Bihar, azaroak 4, sartuko da indarrean kiroldegiko neguko ordutegia. Horrek esan nahi du, zapatu arratsaldeetan ere zabalik izango dela, martxora arte. Bestalde, kiroldegiko instalazioetan aurkitutako jantziak-eta, sarrerako mahaian ipini dituzte, jabeek har ditzaten.

Bihar, zapatua, arratsaldez ere kiroldegia zabalik
Kiroldegia, kanpotik. | Ikusi handiago | Argazki originala

Bihartik, bada, zapaturo zabalduko dute kiroldegia baita arratsaldez ere, honako ordutegian: 16:00etatik 19:00etara. Igerilekua, gimnasioa eta rokodromoa erabilgarri izango dira, beraz. Eta hala izango da, harik eta martxoan atzera ere udako ordutegia indarrean sartu arte.

Hori bai, bihar zortzi, Gaztañerre azoka izanik, itxita egongo da kiroldegia arratsaldez.

Galdutako jantziak

Bestalde, ohi duten moduan, urtean zehar kiroldegiko instalazioetan aurkitzen dituzten jantziak eta oinetakoak sarrerako mahai batean ipini dituzte, pare bat astez ipini ere. Bestetan baino material gutxiago ipini dute aurten: “Galtzerdiak, kuleroak, galtzontziloak… edukiontzira eraman ditugu”, esplikatu dute. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa