Ehun futbol jokalari baino gehiago elkartuko dira zapatuan Ezoziko futbol zelaian, 16:00etan Sorako zortzi taldeak aurkeztu behar dituzte-eta; jakina, guraso eta ikusle ugari ere bertaratuko dira ekitaldira; beraz, hitzordu jendetsua aurreikusten da zapatukoa. Gainera, ondoren, 17:00etan partidua jokatuko du, Soraluzek Aretxabaletako UDAren kontra.
Arrasaten eta Aretxabaletan
Horrez gainera, zapatuan beste bi hitzordu ere baditu Sorak. Kasu horretan, bata Arrasaten eta bestea Aretxabaletan, biak ala biak goizean. 10:00etan hasiko da partidurik goiztiarrena, Mojategin; Arrasate izango du aurrez aurre Sorako kadete mailako ekipoak. Eta 11:30ean, berriz, Aretxabaletako Ibarran jokatuko dute infantil mailakoek, UDA A ekipoaren kontra.
Domekan, berriz, jubenilek dute hitzordua, etxean, Mondraren kontra. 17:00etan hasiko da partidu hori.