Giro ederrarekin, mendizaleak gustura 11. Marraskilo Tourrean

Egoitz Unamuno 2017ko ira. 17a, 10:43

Laurogeiren bat mendizalek parte hartu zuten, atzo, mendi martxaren 11. edizioan. Eguraldiak ateri eutsi zion arratsaldeko ordubiak aldera arte, eta mendizaleek gozatu ederra hartu zuten.

Aurrez izena emanda zeukaten mendizale gehienek burutu zuten martxa; 90etik 80k. Horietako batzuek antxintxika egin zuten ibilbiderik gehiena eta lau ordu eta erdi pasatxotan egin zituzten ibilbide luzeenaren 36 kilometroak. Plaza Barriko helmugan Erlantz Zaldunbide iurretarra izan zen lehenengo sartu zena eta atzetik Ander De luis eta Joseba Garcia soraluzetarrak.