Photocalla egingo da aurten ere Aratosteetan

Iazko lehiaketaren irabazleak.

Heldu da mozorrotzeko unea. Gaur hasiko dira Aratosteetako jaiak herrian, Euskal Aratosteen egitarauarekin. Hutsik egingo ez duena zapatuan Udaletxepean egingo den argazki txokoa edo photocalla izango da.

Zapatuan, 13:00etan hasi eta iluntziko 21:00ak arte izango da martxan argazki txokoa, eta argazkiak 605 706 086 whatsapp zenbakira bidali ahalko dira, lehiaketan parte hartzeko, edo, besterik gabe, Aratosteetako argazki bilduman sartzeko. Argazki guztiak igandean 14:00etatik aurrera ikusi ahal izango dituzue plaentxia.eus webgunean.

Aratosteetako mozorro lehiaketan hiru sari emango dira: 1. 150 euro; 2. 100 euro; 3. 50 euro.

Herritarrek igandeko 14:00etatik asteleheneko 24:00etara eman ahal izango duzue botoa Plaentxia.eus webgunean. Herritarren botuek %40ko pisua izango dute puntuazio orokorrean, eta gainerako %60a epaimahaiaren puntuazioak erabakiko du.

Sari-banaketa martitzenean egingo da, arratsaldeko 8etan, karpako dantzaldiaren atsedenaldian.

Aurten, aurreko urteetan izandako arazoak saihesteko, bozka emateko formulario erraz bat beteko da norberaren datuekin. Gainera, lehiaketan parte hartzen duzuen guztion artean opari bat zozkatuko dugu. 

Erlazionatuak

Konpartsa mailako mozorro lehiaketa berrikuntzekin dator

Erabiltzailearen aurpegia Kultura

Mozorro lehiaketa antolatu dute antolatzaileek aratosteetako larunbateko mozorro egunerako; "Musika" izango da aurtengo mozorroetarako gaia.
Aratosteetako egitaraua: kalejirak, dantzaldiak, mozorro lehiaketa...

Erabiltzailearen aurpegia Kultura

Euskal aratosteetako dantzak, mozorro lehiaketa eta haurren play-back erakustaldia dira Aratoste Batzordeak ostiral, larunbat eta astearterako pres...
Oilaskoak, Kentucky Country Band

Kultura

Andoni Calles, Domentx Uzin, Lorea de Castro eta Jon Basaurik prestatutako emanaldi berezia.
Bertsioen gaua Gaztetxean

Kultura

Bertsioen gaua, herriko musikariekin. Silvio Rodriguez, Loquillo, Berri Txarrak, La Polla Records, Nirvana...