Goizeko 9:30etan hasi dira autobusak Ezozi bidetik futbol zelaira joan-itzulian futbolari, senitarteko eta lagunekin. Bederatzi herritako 25 talde etorri dira Soraluzeko futbol taldeak antolaturiko eskolarteko oinarrizko lehenengo futbol txapelketara. Hotza ez da oztopo izan 350 kirolari baino gehigok futbolaz gozatu eta gozatuarazteko.
Elkarlanean kirola eta festa uztartuz
Soraluze futbol taldeko gaztetxoenen guraso eta senideak jardun dute antolakuntza lanetan. Kiroldegian kirolariek bazkaltzeko lekua egokitzen, autobus zerbitzua kudeatzen eta futbol zelaian partiduetako zeregin ezberdinetan. Rascón, antolakuntzako kideak esan digunagatik oso pozik daude lortutako emaitzarekin eta hurrengo egunetan hobetzekoen zerrenda egingo dute. "Ezinbestekoa izan da boluntario lanetan jardun duten guraso eta lagunen lana festa hau posible izateko". Txapelketari kiroldegian eman zaio amaiera sari-banaketarekin.
Txapelketako sailkapenak:
Benjamin 1go urtea:
·Talde jatorrena: Soraluze
3.Lengokoak
2.Allerru
1. Orioko
Bejnamin 2. urtea:
Taldea jatorrena: Allerru
3. Lengokoak
2. Orioko
1. Ilintxa
Alebin maila:
Talde Jatorrena: Ilintxa:
3. Lengokoak
2. Soraluze
1. Orioko