1go erregional maila
Taldeak: Soraluze "B" 2-1 Arizmendi
Goleatzaileak: Raul (1) eta Argoitz (1)
Sailkapena: 5. 11 punturekin
Soraluze "B" kopara begira
Ander de Luis-en mutilek atzo jokatu zuten ligaxkako azken partidua. 2-1 hartu zuten mendean Arizmendi eta plaentxiarrak kopara begira daude iadanik. Partiduaren hasieran minutu bateko isilunea gorde zen kirolari baten senide sendu berri baten omenez.
Lehen hamabost minutuetan etxekoak izan ziren partiduaren jabe eta joko ikusgarririk egin gabe beraienak izan ziren gol-aukera gehienak. Egoitz aurrelariak izan zituen aukera garbienak baina ez zuen asmatu Arizmendiko atezainaren aurrean. Hamaseigarren minutuan ordea falta jokaldi batean lortu zuen Arizmendik markagailuan aurretik jartzea (0-1). Etxekoek asko sufritu zuten eta Manu atezainak lan asko egin behar izan zuen geldiketa eder batzuk eginaz. 36. minutuan Raul kapitainak areaz kanpotik egindako jaurtiketa batekin gol aparta egin zuen partidua berdintzeko (1-1). Lehen zatia amaitzear zela etxekoek markagailuan aurretik jartzeko aukera izan zuten baina Urkok zutoinera jaurti zuen penaltia.
Bigarren zatia hasi eta berehala Haritz eibartarrak baloi paregabea jarri zuen arean eta Argoitz-ek buruz egindako errematearekin taldea markagailuan aurretik jarri zuen (2-1). Partidua gogortzen joan zen hortik aurrera eta gol-aukerak area bietan izan ziren.
Ligaxkaka amaiturik plaentxiarrak burubelarri kopa hirugarrenez jarraian irabazteko lanean hasiko dira orain.
Gorengoen erregional maila
Taldeak: Idiazabal 4-1 Soraluze "A"
Goleatzailea: River (1)
Sailkapena*: 3. 25 punturekin
*partida guztiak jokatu gabe
1go jubenilen maila
Taldeak: AloñaMendi 1-3 Soraluze
Goleatzaileak: Hodei Tajuelo (1), Xabier Gil (1) eta Aitor Barrutia(1)
Sailkapena*: 1go 27 punturekin
*partida guztiak jokatu gabe
1go infantilen maila KOPA
Taldeak: Soraluze 3-2 Arrasate
Goleatzaileak: LAnder (2) eta Julen
Sailkapena*: 1go 6 punturekin
*partida guztiak jokatu gabe
Sufritutako garaipena lortu zuten infantilek
Soraluzeko infantilen taldeak kopako bigarren jardunaldia jokatu zuen atzo Arrasateren kontra . Plaentxiarrek 3-2 hartu zuten zituzten mendean arrasatearrak eta sailkapeneko lehen postuan jarraituko dute beste astebetez.
Lehen zatian gol aukera gutxi sortu arren partiduaren kontrola Soraluzekoek izan zuten aurkarien erasoei ondo erantzunez. 28. minutuan aurreratu ziren etxekoak Lander-ek areaz kanpoko jaurtiketa gogor eta zehatz batekin (1-0).
Bigarren zatia hasiera eta berehala sartu zuten etxekoek bigarrena. Korner jokaldi batean estrategia erabili zuten Oier eta Markel-en mutilek eta Lander kapitainak gol paregabea sartu zuen areaz kanpotik (2-0). Arrasatearrak ez ziren kokildu eta bost minututan partida berdintzea lortu zuten (2-2). Hogehitabostgarrenean ordea Lander-ek bikain baliatu zuen sakonean eman zioten pasea buruz gain atezaina gainditu eta taldeari garaipena emango zion gola lortuz (3-2).
Informazio gehiago hemen