Gorengoen erregional maila
Taldeak: Bergara 2-1 Soraluze "A"
Goleatzailea: Iosu Unanue
Sailkapena:3. 18 punturekin
Sora "A" erasoan kamuts azaldu da Bergaran
Beti da berezia Soraluze eta Bergararen arteko partidua eta gaurkoan ere Agorrosineko harmailak zaletuz beterik zeuden. Soraluzetarrak aurreratu dira markagailuan baina etxekoek partidu hobea egin dute eta azkenean hiru puntuak poltsikoratzea lortu dute.
Lehen zatian Bergara izan da jokoaren jaun eta jabe eta Isusi, Soraluzeko atezainak, lan eskerga egin behar izan du. 37. minutuan Bergarako defentsa eta atezainaren gaizki ulertu bat baliatu du area barruan zegoen Unanuek Soraluzeko taldea markagailuan aurretik jartzeko (0-1). 40.ean ordea etxekoek falta jokaldi batean lortu dute berdinketaren gola(1-1).
Bigarren zatian "pele"ren mutilak partidaren bila atera dira eta beraiena izan da lehen minutuetako jokoaren jabetza. Hauspoak baina ez die behar beste iraun eta 11. minutuan Bergarak korner jokaldi batean partiduan aurretik jartzea lortu du (2-1).Azpimarratzekoa izan da Isusi, soraluzetarren atezainak eginiko partidua, geldiketa gogoangarriak egin ditu ermuatarrak. Partiduaren hondarrean soraluzetarrak berdinketaren bila joan dira. Jon Laskurain, defentsako ezker-aldetik erdiko lerrora igaro da eta bertatik iritsi dira azken minutuetako gol-aukera gehienak.
Hurrengo astan Soraluze "A"k Ikasberri taldea hartuko du Ezozin.
1go erregional maila
Taldeak: Soraluze "B" 1-1 Eibartarrak
Goleatzailea: Gorka Ojea (1)
Sailkapena:5. 8 punturekin
1go jubenilen maila
Taldeak: Arrasate 2-3 Soraluze
Goleatzaileak: Ibai (1), Tajuelo (1) eta Julen (1)
1go infantilen maila
Taldeak: Soraluze 3-1 Aretxabaleta "A"
Goleatzaileak: Julen Gonzalez (1), Suhar (1) eta Lander(1)
Sailkapena: 4. 9 punturekin