Iñaki, duela hiru urte Frantziako Pirinioetan istripu baten ondorioz hil zen Soraluzeko mendizalea zen. Soraluzeko mendi taldeko kide hainbat urtetan izana, mendizale eta lasterketa zale, mendi taldeak Lasterketa hau antolatu zuen bere omenez, berak hainbeste maite zituen mendiak eta lasterketak uztartuz. Lasterketak urteroko hitzordu bilakatzea du helburu 150-200 laguneko parte hartzearekin.
21 kilometro eta 1000 metroko desnibela
Lasterketak, guztira, 21 kilometro luze eta 1.000 metroko desnibel positiboa dauka eta ibilbideak Soraluzeko mendi-gaina zeharkatzen du, bertako mendi-punta garrantzitsuenetatik igarotzen delarik. San Andres auzoko frontoitik irtenda, Soraluze-Elosua parke megalitikoan gora eta behera arituko dira parte hartzaileak. Pagobedeinkatu, Artzaintxaboleta eta Pol-Pol puntetatik igaro ondoren, lasterketako punturik gorena hartuko dute Irukurutzetan. Ondoren, beherantz abiatu beharko dira Atxolin eta Karakate pasatu eta San Andresen irteerako leku berdinean amaitu arte.
Iazko irabazleak Aitor Osa eta Nerea Amilibia izan ziren, nahiz eta izen izan zituzten lasterketako denbora onenak hobetu; Gizonezkoetan Oier Ariznabarreta durangarra da denbora onena duena (lehenengo edizioa 1:35:26, eta emakumeetan Aitziber Ibarbia Zizurkildarrak du denborarik onena 1:56:24, kasu honetan ere lehenengo edizioan egina.
Lasterketaren prezioa 5€-koa da eta izen ematea irteeran bertan ala aldez aurretik www.kirolprobak.com webgunearen bitartez egin ahal izango da.
FITXA TEKNIKOA
|
SORALUZEKO MENDI TALDEA
Rabal 13.
20590 - Soraluze (Gipuzkoa)
Tel.: 943751304
soraluzekomenditaldea@gmail.com
