PELOTA
Deba Arroko txapelketa Binaka
Aitor Atxotegi- Ibai Bolinaga 22-8 Txurruka-Konde
Atxotegi eta Bolinaga ligaxkako lehenak
Atxotegi eta Bolinagak lehen postuan amaitu dute ligaxka eta final-erdietan Zubizarreta anaien kontra jardungo dute. Finalerako txartela joan-etorriko partiduan erabakiko da. Datorren astean Eskoriatzan jokatuko dute joaneko partidua eta bi aste barru Soraluzeko pilotalekuan partidu erabakiorra.
Santamaria eta Aldape ligaxkako hirugarrenak
Gorka Santamaria eta Andoni Aldapek atsenaldia izan zuten jardunaldi honetan baina Soraluzeko bikotea ere final-erdietarako sailkatu da ligaxkako hirugarren postuan. Santamaria eta Aldapek Muguruza eta Iñarra, Bergarako pilotariak, izango dituzte aurkari final-erdietan. Hirugarren izatearen alde txarra itzulikoa aurkariaren herrian jokatzea izan ohi da eta hortaz, lehen partidua Soraluzen jokatuko dute bi aste barru eta itzulikoa Bergaran.
Deba Arroko txapelketa Lau'terdian
Ibai Kortabarria 14-22 L. Ibarguren
Ibai Kortabarriarentzat amaitu da aurtengo txapelketa. Sailkapen orokorrean hirugarren postuan sailkatu da eta kanporaketetatik kanpo geratu da Soraluzeko pilotari gaztea. Berebiziko garrantzia zuen Legazpiko Ibarguren pilotariaren aurkako partiduak baina Kortabarriak ezin izan zuen legazpiarra mendean hartu.
Udaberri txapelketa Infantilak
Jonay-Urko 12-18 Lazkao