Apirilak 17, domeka
Soraluzeko Arane kiroldegian
Deba arroko pelota txapelketa Senior maila
Taldeak: Gorka Santamaria-Andoni Aldape 22-17 Felix Conde-Iker Txurruka
Partidua amaitzea kosta zaio Soraluzeko bikoteari
Pilota partidu bizia ikusi ahal izan dute Soraluzeko Arane pilotalekura gerturatu diren pilotazaleek. Pilotariak ez dute joku distiratsua egin baina tanto asko, markagailuan gora behera handiak eta jokaldi politak ikusteko aukera izan da.
Soraluzeko bikotea partida osoan zehar aurretik joan da markagailuan. Santamariak egin ditu partidako lehen lau tantoak bi sakez eta beste bi aurrean jokaldia eginez. Conde eta Txurrukak partidako lehen zatian lortu du Santamaria eta Aldaperen ekinaldieri eustea baina poliki-poliki soraluzetarrak markagailuan aldea zabaltzen joan dira. 20-10eko aldea lortu dute etxekoek markagailuan eta Gorka Santamariak partiduaren pixua beregain hartu du zabalean eta txokoan zein gantxoz tantoak lortuz bata bestearen atzetik.
Txanponaren beste aldea etorri da orduan eta Soraluzeko bikotea huts nabarmenegiak egiten hasi da. Elgoibarkoek pilota aldatu dute eta 7-0eko partziala sartu diote Gorka eta Andoni-ri. 20-17koarekin Aldapek ihes egindako pilota batekin lortu du 21. tantoa egitea. Gorkak egin du orduan partiduko azken sakea eta Conde atzelariaren erantzunari ezker gantxo batekin erantzun dio zabalean 22. tantoa lortuz.
Markagailua: 1-0/2-0/3-0/4-0/4-1/5-1/5-2/5-3/6-3/7-3/7-4/7-5/7-6/8-6/9-6/10-6/10-7/11-7/12-7/12-8/13-8/13-9/14-9/15-9/16-9/17-9/17-10/18-10/19-10/20-10/20-11/20-12/20-13/20-14/20-15/20-16/20-17/21-17/22-17.
Udaberri pelota txapelketa Infantilak
Taldeak: Aimar Markez- Mikel Gallastegi 18-1 Iraitz Lizarribar-Aimar Urquiri