Gorengoen erregional maila
Taldeak: Soraluze "A" 1-1 Antzuola
Goleatzailea: Asier "Pando" (1)
Sailkapena:5. 42 punturekin
Soraluzeko taldeak garesti ordaindu zituen barkatutako gol-aukerak
Sailkapeneko azken sailkatuaren bisita izan zuen Sora "A" taldeak zapatu arratsaldean Ezozi futbol zelaian. Soraluzeko taldeak pasadan astean Amaikak Bat liderraren aurka lortutako puntua baliogarri egin nahi zuen Antzuolari irabazi eta hiru puntuak lortuta.
Partidua hasi eta 8. minutuan Antzuolak izan zuen gol aukera garbia baina Vaca-k geldiketa aparte egin zuen. Hori izan zen lehen zatian kanpoko taldeak izan zuen gol-aukera apurrenetakoa. 11. minutuan "pando"k izan zuen etxekoen lehen gol-aukera. 13.ean "txiki"k izan zuen sarea zulatzeko beta baina ez zuen aprobetxatu. Eskuin hegaletik Brian eta ezker hegaletik "perre" bandetatik Antzuolakoen area ingurura erasoa eramaten ahalegindu ziren erdiraketak eginez. 28. minutuan Ibaik izan zuen area barrutik egindako jaurtiketa batean markagailuan aurretik jartzeko aukera garbia baina atezainak erantzun bikaina eman zion jaurtiketari. Lehen zatia etxekoen eraso saiakerekin amaitu zen.
Bigarren zatian ez zen aldaketarik izan eta soraluzetarrak golaren bila jarraitu zuten gol-aukerak sortzen. 25. minutuan iritsi zen "txiki"k eskuin hegaletik egindako jokaldi baten ostean "pando"ren gola (1-0). 35. minutuan Aritz Cenzual Soraluzeko jokalariak berdegunea zapaldu zuen zazpi hilabete min hartuta egon ostean. 40. minutuan jokaldi nahasi baten ostean lortu zuen Antzuolak berdinketaren gola. Antzuolako jokalariek Soraluzekoen defentsa despistatuta harrapatu zuten (1-1). Jubenil taldeko Xabier Gil aurrelari gazteak minutu batzuk jokatu zituen lehen taldearekin.
Sora "A" taldeak sailkapenean postu bat gora egitea lortu du aurkari zuzenek; Ikasberri eta Lagun Onak taldeek galdu egin dituztelako beraien partiduak eta 5.nak dira 42 punturekin. Hurrengo astean Urkomendi14 taldearen kontra jardungo dute Eibarren.
1go Erregional maila KOPA
Taldeak: Ikasberri 2-4 Soraluze "B"
Goleatzaileak: Argoitz Ariznabarreta (3) eta Borja San Jose (1)
Sailkapena. 1go. 28 punturekin
1go Jubenilen maila IGOERA FASEA
Taldeak: Soraluze 1-6 Urki
Goleatzailea: Xabier Gil
Sailkapena:6. 21 punturekin
1go Infantilen maila KOPA
Taldeak: Soraluze 8-0 Burumendi
Sailkapena: 2. 12 punturekin