Apirilak 10, domeka
Gorengoen erregional maila
Taldeak: Soraluze "A" 2-2 Amaikak Bat
Goleatzaileak: Casado (1) eta Jurgi (1)
Sailkapena: 7. 41 punturekin
Sora "A"k ezin izan dio bi goleko errentari eutsi
Sailkapeneko oilarraren bisita izan du gaur arratsaldean Soraluze "A" taldeak Ezozi futbol zelaian. Talde biak garaipenaren bila atera dira berdegunera eta 12. minutuan etxekoak jarri dira markagailuan aurretik Casado elgoibartarraren golari esker (1-0). Goleatzaileak min hartuta partidua utzi behar izan du minutu batzuk beranduago. 28. minutuan Amaikak Bat taldeko atezainaren huts larri baten ostean lortu du Jurgi-k etxekoen errenta handitzea (2-0). Isusi, Soraluzeko atezainaren geldiketa batekin amaitu da lehen zatia.
Bigarren zatian debarrak partiduaren bila atera dira eta 50. minutuan lortu dute ezker hegaletik egindako jokaldi batean aldea murriztea (2-1). Soraluzeko taldea atzean baloia atera ezinik ibili da denbora luzez eta bisitarien erasoa geratzeko arazo handiak izan dituzte. Hurrengo minutuetan asko sufritu behar izan dute etxekoek. 80. minutuan iritsi da jokaldi nahasi baten ostean bisitarian berdinketa (2-2). Bigarren gola jasotakoan berpiztu da etxeko taldea eta beraienak izan dira partiduko azken gol aukerak. Pandok izan ditu garbienak lehena 82. minutuan eta bigarrena 93. minutuan ezker hegaletik jokaldia egin ostean jaurtiketa batekin.
Soraluze 7. postuan dago 41 punturekin eta datorrena astean Antzuola, azken sailkatua, hartuko du Ezozin.
1go Jubenilen maila IGOERA FASEA
Taldeak: Lengokoak 1-3 Soraluze
Goleatzaileak: Koldo (1), Letu (1) eta moha (1)
Sailkapena: 5. 21 punturekin
Apirilak 9, zapatua
1go Erregional maila KOPA
Taldeak: Soraluze "B" 5-1 Danena
Goleatzaileak: Letu (1), Txato (1), Raul (1), Borja (1) eta Egoitz (1)
Sailkapena: 1go 25 punturekin
Sora "B"k ez du huts egin zaleen aurrean
Danena, bigarren sailkatuaren kontra joaktu zuen atzo Sora "B"k Ezozi futbol zelaian. Partidu garrantzitsua lehen posturako aurkari zuzena delako Zizurkilgo taldea. Sora "B"k ez zuen hutsik egin zaleen aurrean eta 5-1 irabazi zuten
Partiduko lehen minutuak oso nahasiak izan ziren jokoaren agintea ez zuelako inork hartu. 20. minutuan izan zuten etxekoek lehen aukera "Letu"ren areaz kanpoko jaurtiketa batekin. 35. minutuan lortu zuen "letu"k saria Raul-ek egindako jaurtiketa baten aldaratzea hartu eta sare barrura bidalita (1-0). Etxeko taldea nagusi izan zen lehen zatiko azken minutuetan.
Bigarren zatiko lehen aukera Raul-ek izan zuen baina Danenako jokalari batek marratik ateratzea lortu zuen honen jaurtiketa. 67. minutuan Txatok egin zuen etxekoen bigarrena penaltiz (2-0). 72. minutuan sartu zuen Raul-ek hirugarrena (3-0). 74. minutuan Danena-ren gola iritsi zen Soraren arean jokaldi nahasi baten ostean (3-1). 79. minutuan Borjak , Jokinen pase luze bat baliatuta laugarrena egin eta partidua erabakita utzi zuen (4-1). 87. minutuan atzetik aurrera egin ostean, Haritz-ek, Oregiren pase luzea kontrolatu eta ate aurrean utzi zuen baloia Egoitzek sareratzeko.
Sora "B" gero eta liderrago da atzoko hiru puntuak lortu ostean eta Danena bigarren sailkatuarekin 8 puntuko aldea ezarri du 4 partida falta direnean. Hurrengo astean Ikasberriren aurka jokatuko dute.
1go Infantilen maila KOPA
Taldeak: Lagun Onak 0-4 Soraluze
Goleatzaileak: Jon Ander (2), Mikel Romero (1) eta Hodei Tajuelo (1)
Sailkapena: 3. 9punturekin