Gorengoen erregional maila
Taldeak: Soraluze "A" 5-1 Beasain
Goleatzaileak: Pando (1), Cabo (1) eta River (3)
Sailkapena: 6. 39punturekin
Bost gol egin ditu Sora "A"k zaleen gozamenerako
Ondo hasi du partidua etxeko taldeak eta beraiena izan da lehen aukera garbiena baina Pandoren areaz kanpoko jaurtiketa gol-marratik atera du Beasaineko jokalariak. 20. minutuan baloia urruntzen Soraluzeko defentsak egindako akats baten ostean iritsi da kanpokoen gola (0-1). Taldeak ez du amore eman eta gol aukerak eta golak iritsi dira. 25. minutuan Pandok areaz kanpoko jaurtiketa batekin egin du berdinketaren gola (1-1) 43.minutuan Cabo-k area barruan jokaldi nahasi batean jaurti eta aurretik jarri du etxeko taldea (2-1).
Bigarren zatian gol-aukera garbienak etxekoentzat izan dira. 16. minutuan Pando-k gutxigatik kanpora bota du River-en erdiraketa. 23. minutuan korner jaurtiketa batean Jurgi-ren errematea kanpora joan da. 25. minutuan River-ek baloia luze bat hartu eta Beasaineko atezainari buruz gain botata egin du bere lehenengoa (3-1). 31. minutuan egin du River-ek bigarrena Cabo-ren erdiraketa sarera bidaliz (4-1). 40. minutuan lortu du River-ek Hat-Trick-a berriz ere atezainari baloia buruz-gain pasata gola lortuz (5-1). Partidua amaitzear zela Isusi soraluzetarren atezainak geldiketa bikaina egin du gola saihestuz.
1go Erregional maila KOPA
Taldeak: Soraluze "B" 4-0 Segura
Goleatzaileak: Uriguen (1), Ander de Luis (1), Txato (1) eta Aitor (1)
Sailkapena:1go, 21 punturekin
Sora "B" olatu aparretan
Beste garaipen bat eta a ze nolako garaipena lortu zuen atzo Sora "B" taldeak Segurari 4-0 irabazita zaleen aurrean. 8 partidatik, 1 galdu eta beste guztiak irabazi egin dituzte Soraluzetarrek eta kopa irabazteko borrokarako hautagaiak direla erakutsi zuten beste aste batez. 21. minutuan Uriguenek egin zuen etxekoen lehen gola Raul-en erdiraketa bat sare barrruan bidalita (1-0). 39. minutuan Ande de Luis-ek korner batean egin zuen bigarrena (2-0).
Bigarren zatian Segura ez zen gai izan partiduari buelta emateko eta etxeko jokalariak gehiago izan ziren. 29. minutuan Txatok Borja-ren erdiraketa aprobetxatu zuen hirugarrena egiteko (3-0). 38. minutuan Aitor Hontangasek egin zuen laugarrena (4-0).
Soraluze "B" bigarren sailkatutik 5 puntura dago sailkapenean lidertzan sendo. 7 partida falta zaizkio taldeari kopako ligaxka amaitzeko eta hurrengo astean Eibartarrak taldearen kontra jokatu du Eibarren.
1go Jubenilen maila IGOERA FASEA
Taldeak: Vasconia 9-3 Soraluze
Sailkapena:3. 17 punturekin
1go Infantilen maila KOPA
Taldeak: Burumendi "B" 6-4 Soraluze
Goleatzaileak: Ion Ander(2), Murgizu (1) eta Hodei TAjuelo (1)
Sailkapena: 3. 6 punturekin
Argazkiak: Gaizka Azkarate