Lehenengo saioa bi taldetan banatuta egin zuten; alde batetik, euskal hiztunak; eta bestetik, erdal hiztunak eta euskaraz gutxixeago dakitenak.
Euskal hiztunen taldeak seme-alabek lagun artean erdaraz dihardutenean euskaraz egitera bultzatzeko hartu daitezkeen bideen inguruan jardun zuten: zela hurreratu, zein jarrerarekin.... Guraso erdaldunek, berriz, euskarazko esalmoldeekin jolasean jardun zuten eta, “gutxi bada ere, berba batzuk euskaraz egiteak duen garrantziaren” mezua barneratzen jardun zuten.
Guraso Berritsu tailerraren bigarren saioa zapatu honetan egingo dute, goizeko 10:30etik 12:30era bitartean, Antzokian. Izen-ematea itxita dago baina interesa izanez gero jo parte hartzaileren batengana.