Erabakigarria ez den arren, ikusgai dago EH Bilduk zer bozkatuko duen. EH Bilduk jakinarazi duenez, gaur arratsaldean bere militanteekin egingo duen batzarrean erabakiko du bere bozka. Batzarrean EAJ eta PSE-EErekin izandako negoziazioren berri emango duela jakinarazi du.
Udal gobernuak ez du aurreratu biharko udalbatzarrean aurkeztuko diren aurrekontuen inguruko xehetasunik. Bai ostera, biharko udalbatzarrean landuko diren gaiak:
Aztergaien zerrenda
1.- 2015eko azaroaren 19ko saioaren akta, hala badagokio, onartzea.
2.- Alkatetzaren dekretuen berri ematea.
3.- 2016. urterako aurrekontua.
4.- 2016. urterako aurrekontuaren exekuzio-araua.
5.- 2016. urterako plantilla organikoa.
6.- 2016. urterako lanpostuen zerrenda.
7.- Legegintzaldirako kudeaketa plana (2015-2019).
8.- Udalerri honetako Bake Epaile titularra eta ordezkoa hautatzea.
9.- Juan Carlos Larreategi Jauregi jaunak egindako bere jabetzako “Loralde-Sagasti” eta “Elordi” izeneko lursailen doako lagapena onartzea.
10.- “Gizaburu” izeneko landa-lursaila erostea udalerri honetako Goenetxe-etxetxo baserriaren jabeei.
11.- Gizaburu” izeneko landa-lursaila erostea Juana Ibabe Errasti andreari.
12.- Etxegabetzeak saihesteko jarduera-protokoloa.
13.- Larrialdietako etxebizitza esleitzea.
14.- Sakeleko telefono bidezko aldi bereko itzulpen eta interpretazio zerbitzura atxikitzea, etorkinei eta gizarte zerbitzuei zuzendurikoa.
15.- Eskari eta galderak.
