1go erregional maila KOPA
Taldeak: Soraluze C.F "B" 4-2 Eibartarrak
Sailkapena: 1go. 6 punturekin
4 gol eta lidertza Sora "B"rentzat
Partidua ondo hasi zen etxeko taldearentzat eta lehenengo 10 minutuetan beraienak izan ziren aukera nagusiak. Jokin-ek gutxigatik ez zuen baloi bat buruz errematatu eta ondoren berak egindako jaurtiketa bati ondo erantzun zion Eibartarrak-eko atezainak. Lehen gola aldiz kanpokoentzat izan zen Soraluzeko defentsaren huts bat aprobetxatuz (0-1). Hortik gutxira lortu zuten etxekoek berdinketa. "Txato"k gogor botatako falta baten aldaratzea Oregiren hanketara iritsi, honek erdiratu eta Uriguen-ek sare barrura (1-1). Lehen zatia amaitzear zela Soraluzeko atezaina eta defentsaren arteko gaizki ulertu baten ondorioz kanpokoen bigarrena iritsi zen (1-2).
Bigarren zatian etxekoak gogor zelairatu ziren eta partiduari buelta emateko gai izan ziren. 18.minutuan berriz "Txato"k gogor botatako jaurtiketa baten aldaratzea baliatu zuen Jokin-ek berdinketaren gola egiteko (2-2). 26. minutuan aldiz Jokin izan zen atezainaren huts baten ostean "txato"ri goleko pasea eman ziona (3-2). Partiduaren ondarrean zelairatu berria zen Aritz Aranberrik egin zuen etxekoen laugarren gola (4-2). Soraluze "B" taldeak tinko jarraitzen du kopako lidertzan eta Danena K.E-aren kontra jokatuko du datorren astean.
Gorengoen erregional maila
Taldeak: Ilintxa 1-1 Soraluze "A"
Sailkapena: 4. 27punturekin
Aukera ona galdu zuen Sora "A"k Legazpin
Partidu osoa hutsean igaro ostean bazirudien puntu banaketa egongo zela talde bien artean. Baina futbolean ezin da azken txistua entzun arte amore eman eta Jokin Bakero, Soraluzeko jokalariak 90. minutuan egin zuen kanpotarren gola (0-1). Hiru puntuak Soraluzera bidean ziren orduan baina 92. minutuan etxeko taldeak berdinketaren gola sartu zuen (1-1). Partiduraren hondarrean, 94. minutuan, epaileak penaltia pitatu zuen Soraluzeren alde baina huts egin zuten eta instante horretan amaitu zen partidua. Soraluzek Zumaiako hartuko du asteburuan Ezozin.
1go Jubenilen maila IGOERA FASEA
Taldeak: Astigarragako Mundarro FKE 2-0 Soraluze C.F
Sailkapena: 10. puntu batekin
1go infantilen maila
Taldeak: Soraluze C.F 1-3 Ikasberri K.E "A"
Sailkapena: 4.18 punturekin
2. urteko alebinek 9-2 irabazi zuten Elgoibar taldearen aurka
Infantilen partiduko argazkiak: Gaizka Azkarate / Sora "B" taldearen argazkiak: Jokin Ruiz