Liburuaren edukia hiru zatitan dago antolatua. Aurrenekoan ohar geografikoak jasotzen ditu, Elosuaren deskribapena eta trikuharriei buruzko azalpen orokorrak.
Ostean, egunerokoa dator, egindako indusketen berri ematen duena (aurreko egunotan plaentxia.eus-en argitaratu da). Liburuaren atalik luzeena da eta antzemandako megalitoak azaltzen dira: Irukurutzeta, Aizpuruko Zabala, Kurutzebakar, Naasiko Goena, Pagobedeinkatu, Aizkoin, Atxolintxiki, Atxolin, Sabua, Iruia, Gizaburua, Keixeta, Keixetako Egiya (hegoaldea), Keixetako Egiya (iparraldea), Maurketa, Agerreburu eta Arribiribilleta.
Azken atalean indusketetan topatutako materialen berri ematen da, eta egileek azken oharrak egiten dituzte.
Testuaz gain, liburua 8 irudik eta 24 argazkik osatzen dute.
Liburuaren erderazko bertsioa ere Sorapedian dago, hiru formatutan: epub (hemen), mobi (hemen) eta pdf (hemen).