1920ko Gabonetan, Jose Migel Barandiaran eta bere anaia Jose Ignacio Irukurutzeta inguruan izan ziren, eta hainbat trikuharri eta tumulu topatu zituzten bertan.
Handik urtebetera, 1921eko ekainaren 2an, Jose Migelek beste txango bat egin zuen mendi gainera, oraingoan, bi soraluzetarrekin, Carlos Orueta doktorearekin eta Eugenio de Arrillaga abadearekin.
Urte bereko ekainaren 30ean, Elosura joan zen, bertako mendilerroko trikuharriak miatzera. Zeregin horretan Telesforo de Aranzadi eta Enrique de Eguren arkeologoak izan zituen lagun (los tres tristes trogloditas, hiru kobazulozale tristeak), Carlos Orueta plazentziatarrarekin batera. Uztailaren 2tik 9ra bitartean hamasei trikuharri aztertu zituzten.
Esplorazio lan horietan jazotakoak eta topatutakoak egunkari batean idatzi zituen Barandiaranek.
1922an, egunerokoa informazio gehiagorekin osatu zuten eta Gipuzkoako Aldundiak liburu modura argitaratu zuen: "Exploración de dieciséis dólmenes de la sierra Elosua-Plazentzia".
Gehiago jakiteko, sakatu HEMEN.
Oharra: Datozen egunetan Sorapediak egunkari horren atalak argitaratuko ditu Plaentxia.eus-en.