Astebururako iragarpena
Barixakua: Ipar haizeak ahul joko badu ere, hotz galanta egingo du. Gainera, fronte batek prezipitazio ugari ekarriko digu, konbinazioak elurra ekarriz oso kota baxuetara. Ezin da baztertu goiz partean herrian bertan ere botatzea. Tenperatura 0-5ºC artean ibiliko da.
Zapatua: Egunaren lehenengo zatia aurreko egunaren parekoa izango da, arratsaldean atertzera eginez. Tenperaturari dagokionez aldaketarik ez.
Domeka: Domekan ateri eustea espero da, hodeitsu egongo bada ere. Ordu txikitan ostarteak zabal litezke eta izotza bota. Tenperatura altuenak zertxobait egingo du gora.
Negu honetako lehen enbitea negu meteorologikoa bera hasi baino lehenago heldu da aurten.Ipar latitudeetatik helduriko aire masa hotz eta ezegonkorra ekarri digu atlantikoan sendotu den antzikikloiaren eta europa mendebaldea hartu duen depresioaren artean gurera bidalitako ipar haizeak.
Datorren asterako eboluzioa
Domekatik bertatik aurrera antizikloiak hurbiltzeko bidea hartuko du, datorren asteko lehen erdiko eguraldia egonkortuz. Hala ere, aire masa hotzak ez du guztiz alde egingo eta hotzarekin jarraituko dugu, goizetan izotz kontuak izan ditzakegularik. Aurrerago eguraldiak berriz iparreko haizearekin ezegonkortzeko joera hartuko duela dirudi, baina asko falta da oraindik zehazki gurean nola eragingo duen aurresateko.
Egilea: Miguel Borinaga. Soraluzetarra, fisikaria eta meteorologia zalea.
Iturriak: AEMET, Euskalmet,wetterzentrale.de/topkarten, meteociel.fr ; GFS, HIRLAM, ECMWF eredu numerikoak.