Finala jokatzeko sariaren bila
Soraluzeko bikotea Udaberri pala txapelketa bikaina jokatzen ari da. Jokatu dituzten partida guztiak irabazi dituzte eta Gallas eta Heriz asterik-aste sentsazioak hobetzen joan dira. Final-laurdenetan lan asko egin behar izan zuten Gallas eta Heriz-ek Altzatarra taldeko bikoteari irabazteko, izan ere, partida horretan 17 tanto jaso zituzten etxekoek. Final-erdietan Azkoitiko taldearen aurka jokatuko dute. Ligaxkan soraluzetarrek 22-25 irabazi zuten azkoitiarren aurka eta final-erdi gogorra dute aurretik herriko palariek. Finalerako txartela joan-etorrikoan erabakiko da eta lehen partida Azkoitin jokatuko dute zapatu honetan hilak 5 goizeko 11:00etan.