Gustura ibili dira ‘Haundi’-ko neskak Matx desafioan. Galdetegi azkarrean bakarra asmatu arren, umoretsu ikusi ditugu. Abilezia jokoan berriz, maila ederra erakutsi dute. Hiru puntu lortuta, Iruki TAKEren ondoren kokatu baitira sailkapen nagusian.
Gogoratu, astero lurraldeko talde berri bat sartuko dela desafioan. Asteartetan galdetegi azkarra, asteazkenetan abilezia jokoa eta ostegunetan galdera kateatuak erakusten dira. Joko guztiak matx.eus sare sozialean ikus daitezke. Nor izango da hurrena?
Kirol kluben Matx desafioko laugarren jardunaldia amaituta, sailkapenek bere horretan jarraitzen dute. Bai behintzat lehen postuei dagokionean. Izan ere, galdetegi azkarrean Soraluzeko palariek segitzen dute lidertzan eta abilezia jokoan, inor ez da Tolosa saskibaloi taldeko mutilen markara iristeko gai izan. Aste honetan, Elgoibarko emakumeen futbol talde nagusia batu da erronkara.