45 jokalari ingururekin ekin dio 2023-2024 denboraldiari Marras Hockey Taldeak. Asteburuan izango dute estreinaldia lehiaketetan, emakumeen taldeak Bilbon jokatuko baitu, Zaragozako All Stars taldearen kontra 14:00etan eta Gasteizko Street Hockey taldearen kontra 17:45ean.
Marraseko jubenilak, berriz, irailaren 30ean hasiko dira txapelketan; infantilak urriaren 7an; alebinak urriaren 22an eta benjaminak urriaren 29an.
Irristaketa Librerako aukera
Bestalde, domeka honetan hasiko da Irristaketa Libreak ekimena, 11:00etatik 13:00etara Araneko frontoian. Behin hasita, domekero emango dute aukera ekimen horretan parte hartzeko. Interesa duen edozein bertara daiteke, adin guztietarako zabalik dagoen ekimena dela azpimarratu dute.