Hockey eta irristaketa erakustaldia denboraldia agurtzeko
2023ko eka. 25a, 10:05
Barikuan, 2022-2023 denboraldia agurtu zuen Marras Irristaketa Taldeak. Irristaketa zein hockeya herritarrekin partekatzeko helburuarekin, kalejira, irristaketa saioak eta hockey tiroak egin zituzten plazan eta zubian. Denboraldia bikain ixteko, domina bana eman zieten Marraseko partaide guztiei. Eta noski, iragarri zuten datorren urtean hockeya bizi-bizi izango dela eta interesa duen edozein batu daitekeela taldera. Bestalde, errifaren zenbaki irabazlea 5.825 izan zen eta Aitor Gonzalezek irabazi zuen.