0-4 irabazi zuen Sorak

Erabiltzailearen aurpegia

Bide onetik hasi du denboraldia Sorako Erregional mailako taldeak. Ligako lehen bi partidak irabazita, bigarren dago sailkapen orokorrean, Oñatiko Aloña Mendirekin puntuka berdinduta. Gainera, pasa berri den asteburuko partidan 0-4 irabazi zion Aretxabaletako UDA taldeari. Zapatu honetan dauka hurrengo hitzordua, Ezoziko Futbol Zelaian, Eibartarrak taldearen kontra.

Joan den zapatuan, pozik bueltatu ziren Sorako nagusiak Aretxabaletatik, hango UDA taldeari 0-4 irabazi ondoren. Gainera, gol guztiak sartu zituzten partidaren lehen zatian, honako jokalariek sartu ere: 13. minutuan, Borjak; 20. minutuan, Letuk; 38. minutuan, Jokinek eta 40. minutuan, Antxonek.

Honenbestez, dagoeneko 6 puntu ditu Sorak, Oñatiko Aloña Mendi taldeak bezain beste, eta, horri esker, bigarren dago ligako sailkapenean.

Hurrengo hitzordua datorren zapatuan izango da, 16:30ean, Ezoziko futbol zelaian. Sorak aurkari izango du Eibartarrak taldea. Oraingoz, 0 punturekin daude armaginak, azken-aurreko postuan, baina partida bakarra jokatuta.