Bihar, zapatua, ligako sailkapenean Sora baino postu bat aurrerago dagoen Idiazabal taldea izango dute aurkari gorengo mailako mutilek. Puntu garrantzitsuak dituzte jokoan etxekoek. Azken bi partidak galtzetik datoz eta taldea sailkapeneko hamargarren postuan doa. 16:30ean jokatuko da biharko norgehiagoka.
Gainerako taldeak
Sorako gainerako taldeei dagokienez, berriz, kadeteek eta jubenilek ere jokatuko dituzte partidak asteburuan. Bihar, kadeteen txanda izango da. 12:00etan zelairatuko dira, Zarauzko taldearen kontra. Jubenilek, berriz, domekan dute hitzordua, Donostian, Internacional CD B taldearen kontra, 14:00etan.
Azkenik, Sorako eskola kiroleko taldeen txapelketak bertan behera laga ditu Gipuzkoako Foru Aldundiak.