Antolatzaileak oso gustura agertu ziren domekan herritarrek eman zuten erantzunarekin eta iragarri dute azaroan eta abenduan beste bi landaketa egingo dituztela Soraluzen, oraingoan, Txurruka bailaran. Azaroaren 20an Azaliatxo baserriaren lursailetan landatuko dituzte zuhaitzak eta abenduaren 17an, berriz, Azaliako lurretan.
Domeka goizean, 115 boluntario elkartu ziren Iruren, Eibarko, Elgoibarko eta Soraluzeko Baso Biziak plataformek Lurgaia fundazioarekin batera antolatu zuten landaketan. Eguerdira bitartean, boluntarioek guztira 650 zuhaitz landatu zituzten (lizarrak, haritzak, gorostiak, sagarminak, agina...) illordo baserria baino goraxeago dagoen Urkiza izeneko lursailean (aurretik pinadi izandakoa).