Badaukagu lurra, zuhaitzak ere bai. Azken hitzarmen honetan gehitu ditugun 14 hektarea hauekin, guztira, 30 hektarea dira kudeatzen ditugunak (horietatik 6 elkartearen jabetzakoak). Orain zure lankidetza behar dugu lur hauek zuhaitzez eta bizitzaz bete, eta biodibertsitate-babesleku bihurtzeko.
Hurrengo hitzordua: Urriak 23ko landaketa
Datorren urriaren 23an, igandea, Eibarko eta Elgoibarko Baso Biziak-ekin eta Lurgaiarekin batera, Irure auzoko lur berrietan landaketa jardunaldi bateratu bat antolatu dugu.
Irteera: 9:30etan, Soraluzeko Mendiola industrialdean
Izena emateko, bidali e-mail bat, zuen izena, adina, telefonoa eta jatorrizko herria adieraziz, helbide hauetako batera: soraluzekobasobiziak@gmail.com , infolurgaia@gmail.com.
Beti bezala, guztiontzako ingurune bizigarriago bat lortzen laguntzeaz gain, elkarrekin ondo pasatu eta ikasi ere egingo dugu. Animatu eta parte hartu!
