Maite Narbaiza Azkue Pil-pilean Euskara Elkartearen bazkidea izan da elkartearen sorreratik bertatik, eta aipatzekoak dira urte guzti hauetan Soraluzeko euskaltzaleen mugimenduari eskaini dion babesa eta eman dion laguntza, bai herritar moduan eta baita buruzagi politiko moduan ere.
Bereziki nabarmentzekoa da, Maitek Berbalagun egitasmoko boluntario modura egin duen ibilbidea. Urtetan zehar, euskara praktikatzera hurreratzen ziren herritarren tertuliakide eta lagun izan da.
Denbora luzean izango ditugu gogoan, euskara berreskuratzeko lanean erakutsi duzun indarra, ilusioa eta maitasuna!
Bihotz bihotzez, eskerrik asko Maite, eman diguzun guztiagatik!
PIL-PILEAN EUSKARA ELKARTEA
