Jai beroa Udate gaueko suaren bueltan

Suzko ikuskizunak eman zion hasiera barixakuko jaiari, kopla doinuen artean. Ostean, adarra eta txalaparta entzun ziren eta sorginak etorri ziren irrintzika. Sua piztu, eta txistularien laguntzarekin, agurra dantza egin zioten, eta, gero, konjuroa errepikatu genuen pare bat aldiz, urteko oroitzapen txarrak sutan erre eta barrenak biziberritzeko. Ondoren, sorgin-dantza; lehenik, sorginek bakarrik, eta, gero, nahi zuen guztiak. Trikitixarekin jarraitu genuen gero, fandago eta arin arinak dantzatuz, eta edabe magikoa edanez. Azkenean, suaren gainetik saltoka jardun zuten gaztetxoek, azkenengo sugarra emendatu zen arte.