Ehunka lagun elkartu ginen mendiak industrializatzearen kontra

Gipuzkoako Mendiak Aske plataformatik oso balorazio ona egiten dugu eguaztenean Elosun egindako agerraldi kolektiboaz. Ekimena ehunka lagunek babestu zutela ikusteak erakusten du gure mendiak babestu nahia herritar askok konpartitzen dugun helburua dela. Bestalde, Arabako Mendiak Aske taldearen parte-hartzea ere garrantzitsua iruditzen zaigu, horrek kezka eta helburu berak partekatzen ditugun herritarron eta taldeon arteko elkarlanerako aukerak zabaltzen baititu. Ikusi dugu ez gaudela bakarrik eta horrek aurrera egiteko indarra ematen digu. Halaber, herritarrei dei egiten diegu bat egin dezaten mendiak babesteko borrokan. Guztiok batera, lortuko dugu mendiak mendi izaten segitzea! (Bideoa: Gipuzkoako Mendiak Aske).