plaentxia.eus

ESKOLA BIDEKO BIDE SAREAREN ETA MAPA MOREAREN AURKEZPENA

Erabiltzailearen aurpegia
Ekainaren 4an martxan (froga pilotua) jarriko den Eskola bideen sarea eta Mapa morea prozesutik ateratako ondorioak aurkeztuko dira maiatzaren 28an, astelehena, 18:00etan, udaletxeko pleno aretoan.

Espazio publikoaren egungo erabilerari eta egiturari erreparatuz gero konturatuko gara herriaren antolaketak bertan bizi diren pertsonei zuzenean eragiten diela, baina hirigintza ez da neutroa. Zeinentzat eta zein behar asetzeko daude pentsatuta gure herri eta hiriak?

Galdera horrek ezkutatzen dituen zenbait korapilo askatu eta berdintasunean oinarritutako herri inklusiboago baterako pausoak emateko, Berdintasun Sailetik abiatu den Mapa morearen prozesuaren baitan genero ikuspegitik aztertu da Soraluze, eta Hezkuntza Proiektuaren barruan kokatzen den Eskola Bidea prozesuaren baitan berriz, herriaren egiturak eta herritarron mugikortasun ohiturek haurren autonomian duten eragina aztertu da.

Prozesu biek ondorio zehatzak ateratzera eraman gaituzte eta nola ez, identifikatutako arazoei konponbidea emateko proposamenak egitera. Egindako lanketak, ateratako ondorioak eta proposamenak ezagutzeko, datorren astelehenean udaletxeko pleno aretoan egingo dugun aurkezpenera gonbidatzen zaitugu.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa